Don't Look Back....................

琴日約左ＹＩＮＧ行街食飯，講番起Ｏ個晚的事，好恐怖丫我，聽完之後我都唔記得真係發生過呢Ｄ事，真係第一次，好多謝康仔救左我丫，唔係我諗我都唔知去左邊ＬＵ，搞到我鬼死唔好意思，我都知嚇親你，唔怪得ＹＩＮＧ會咁驚啦，如果我係你，我一定唔知點算丫，不過記住有咩事通知ＤＩＤＩ先．．．．來緊一年我一定好幸運，雖然今年唔開心多過開心，一如以往有咩都唔驚，我可以承受到，都係Ｏ個句啦，人地可以做到的事，我都可以ＧＡ．．．． ＤＩＤＩ正一無人性丫，我將件事講比佢知，佢竟然第一句　「邊個卦街救左我」，有時比你講Ｄ野笑死左，我知你琴日好唔舒服，都特登出來搵我，我幾時都話你係最好．．．哈哈哈．．．不過下次真係病到咁就唔好出來啦，我見到都唔知點好，你知我係你面前唔會講咩感動的說話，大家心照啦，我亦知你唔會睇我個ＢＬＯＧ，如果你睇到肯定即刻打比我話我係咪食錯藥丫．．． 琴日真係勁搞笑ＬＯＲ，話說我地去左茶餐廳飲野，無錯我地三個去茶餐廳飲野，點知見到個ＡＨ　嬸拎住碟　「芥蘭」，我同ＤＩＤＩ反應好一致狂望住碟野，之後當然個白痴婆出聲話好似好正，呢Ｄ時候我當然好淡言回應　「咪叫ＬＯＲ」，之後我再好細聲加左句　「其實我都想食」，ＴＨＥＮ三個女仔一齊食左一碟芥蘭，其他野都無叫到，落單Ｏ個個人都用好奇怪眼神望住我地，唔知以為我地好窮丫．．．．諗起都覺得好好笑．．．終於都知咩叫做　「隔離飯香」啦．．．． 之後勁累咁等ＤＩＤＩ　男朋友收工，真係有Ｄ頂佢地唔順，恩愛到呢，都唔理我感受，話哂我都剛剛分左手丫，下次比Ｄ面呢．．．不過講真叫到你咁幸福我都好開心丫，望都望你好啦，唔好好似我咁失敗丫．．．．

呢個星期發生左好多事，有開心，有憤怒，不過現在己經無再嬲啦，我咁大個女都未試過嬲到食唔到野，嬲到連野都唔想講，亦未試過嬲到係公司唔識笑．．．．不過要好感謝ＹＩＮＧ陪左我成晚，我知我今次飲醉得好離譜，仲哭過不停，我諗琴日咁既樣你係兩年前見過，我知你會好擔心我，不過我真的無事，有Ｄ野諗通左就無野啦．．． 我無諗過會再遇到一個可以帶比我開心甜蜜感覺的人，我見到你時不其然會好自然，不會掩飾自己．．．曾經有控制過自己，仲呃自己無可能會鐘意你．．．點知．．．當一齊時我真的好開心，好甜蜜，雖然日子不長．．．之後因我性格好意氣用事，亦好衝動，所以作出呢個決定．．．有Ｄ野唔講都講左，我成日都會覺得如果我真係對你重要，你會哄番我，但我知你唔會．．．現在我會將所有野都變成回憶啦．．． 今次呢件事仲比ＤＩＤＩ罵我，嬲到失左理智，佢都未見過我咁大反應，好似唔係我來，仲比佢罵我兩個女仔都去ＢＡＲ飲野，仲要飲到咁樣，真係對唔住丫，希望你唔好嬲我啦．．．不過我知你唔括得嬲我，因我知你話完我後，知我好唔開心，你都會講野哄我，你都同我傾左好耐，我知我任性，衝動，意氣用事．．．我會反省啦．．．你Ｄ金句我唔會唔記得．．．有時我會覺得你仲清楚過我自己，有咩你都會講出我心裡的睇法，有時唔想你知，你都會估到，我知只有你一個真係明白我點解咁傷心難過．．． 唔知點解每當我唔開心同好嬲，我同你傾完之後，我都會無咁嬲同唔開心，如果一早同你講，我諗我反應唔會咁大，我真係要學識點樣做一個真正大方得體的女仔，唔好再比自己衝動己誤左自己的幸福．．．．雖然呢件事我無覺得自己有錯，但諗番我可以做得更好．．．只不過被自己怒火摭擋哂．． 不過嬲完之後，發覺自己傷心比嬲多，我真的很痛心！！　雖然有Ｄ野我仲唔明，但我唔會再問自己一Ｄ無答案的事，不會再問「點解會咁咁咁」．．． 今日穾然收到好多朋友的電話，我知道你地好擔心我，我大個女啦有Ｄ野我識得處理，我答應你地我不會再係感情方面咁任性，因我知會令自己傷害很大．．．嘻嘻嘻（信埋我今次啦）

我不知不覺放大假己經好幾日，原先打算放假溫書，但真係無心機．．．．． 上星期五同娃、海琪、影、ＬＥＯ、ＫＩＮＫＩ、ＫＥＩ、ＢＲＩＡＮ去左飲野，呢日玩得幾開心，我仲要醉到呢．．．．．都係唔好提啦，不過好開心，同埋好搞笑ＡＲ，我好記得ＬＥＯ　Ｏ個句說話　「大仙求簽」．．哈哈哈．．真係笑死人啦．．． 之後Ｏ個晚去左ＫＥＩ　ＢＩＲＴＨＤＡＹ　ＰＡＲＴＹ，Ｏ個晚都係玩得好開心ＡＲ．．．死仔ＦＲＥＤ同ＫＥＩ好明顯醉左啦．．．走Ｏ個陣仲要影等我車我地海琪回家．．．放心啦影我無事ＷＯＲ．．．係有Ｄ野未諗得通，我唔會有事ＡＲ，我仲有你地丫．．．哈哈哈 星期日我就好乖留左係家，原先有人約左我ＧＡ，我諗你當時都係講下丫．．．我當然係睇左成日電視啦，好耐未試過星期日會咁平靜過啦，不過都係唔想溫書住．．． 我以後唔會對任何野有希望，就唔會失望啦．．． 抱平常心，我只不過係一個普通人，點解要迫自己迫得咁辛苦呢？？？　

我的好朋友ＡＨ　ＷＡ結左婚啦．．．祝你幸福快樂！！ 星期五Ｏ個日沒有打算會玩通宵，因第二日要做姊妹，打算早訓，等第二日可以ＰＲＥＴＴＹ　ＡＲ，點知買完野上左ＡＨ　ＷＡ家，我同海琪又忍不住打麻雀，一打就打到兩點半，咁我咪提意返家拎埋衫，再打到第二日，真係勁貪玩ＡＲ。。。。其實當時我係不是太開心ＧＡ．．．．我一直等緊人電話，他一個電話都沒有打過比我，他根本就不緊張我，我開始諗他係咪真係適合我？？　不過一開始我就知道答案啦．．．． 我鍾意人鍚我緊張我，同願意花時間去了解我．．．可惜現在沒有一人可以做到．．．係我問題？？　定係我根本不值得人去鍚．．．． 到第二日我已經好累，因我沒有訓過，朝早真係好緊張，到左接新娘時刻係好感動，好開心同興奮，見到自己個ＦＲＩＥＮＤ出嫁，真係好感動，我都算同ＡＨ　ＷＡ細細個識到大，雖然有段時間沒有聯絡，但係我心中都有一定地位．．．．諗起細細個時，大家都仲係好天真，沒有咩煩惱，要煩都係煩讀書成績，個陣真係好開心，一放學就去玩，係自從畢左業之後，大家都變左好多，可能人大左多野煩啦。。。。。。 當日真係好難忘，我諗我不會不記得ＡＲ，ＡＨ　ＷＡ　個日真係幾靚女ＡＲ，你終於搵到啦，我祝你新婚愉快！！！ 個日見番好多沒有見的中學同學ＡＲ，個個都不同哂ＡＲ．．．。真係好開心ＡＲ！！！ 之後大家就去左Ｓ１８玩，真係勁多人去玩，但不知點解有Ｄ失落，因我覺得．．．算啦．．．真係好累ＡＲ！！